Ginapaabot nga tubtob sa December 18, wala sang weather disturbance nga sarang ma eksperiensya.
Suno kay Office of the Civil Defense Regional Director Donato Sermeno, III, ini base sa latest nila nga update kag gina lauman niya nga kuntani magtayuyon na lamang agud tigayon man ma enjoy ang selebrasyon sang Paskwa.
Samtang, wala sang kahalitan nga natuga sa Negros Island Region si Bagyo Wilma.
Kahapon pa lang suno kay Sermeno nagsugod na pauli ang mga gin paidalom sa pre-emptive evacuation.
Sa report sang Provincial Disaster Risk Reduction Management Office, may 25,908 ka pamilya ukon 99,638 ka persona ang na apektuhan sang Bagyo Wilma. 7,341 naman ka persona diri ang nagpadulong sadto sa evacuation center.
“Sang last weather update namon kahapon, until 18, wala kita sang gina paaabot nga weather disturbance. I-check ko from 18 to until when naman ang next nga kun may window kita para Merry Christmas man kita”, suno kay Sermeno.*