P525M nga pondo para kuntani sa Burgos Public Market ang ginaplano ang siudad nga gamiton bilang dugang nga pondo sa apat ka mga infrastructure project sang Bacolod.
Nakadesisyon na sadto si Mayor Albee Benitez nga indi pagdayunon ang construction kag rehabilitation project para sa Burgos Public Market matapos nagpamalabag ang mga market vendors. Gani gintun-an sang katapo sang konseho nga kanselahon ang application para sa P525M nga loan agreement upod sa Development Bank of the Philippines agud magamit ang pondo para sa 4 ka mga ginapatuman nga infrastructure projects.
Ginsiling ni Acting-City Mayor Jude Thaddeus Sayson nga amo man ang pamuno ang Committee on Finance sang konseho nga kinahanglan ang pondo para idugang sa construction sang Legislative Building project, rehabilitation sang anay city hall, construction kag improvement sa Bacolod tree park project kag iban pa nga infrastructure projects sang siudad. Gindugang ni Sayson nga sandig sa kontrata sarang maislan ang item application sa P4.4.B loan agreement. Ini ang kinahanglan nga liwat nga maaprobahan paagi sa panibag-o nga ordinansa.