Naka full alert na sa karon ang kapulisan para sa Semana Santa.
Samtang, sumugod naman bwas yara sa blue alert ang Provincial Disaster Risk Reduction Management Council Emergency Operations Center.
Ginsiling ni B/Gen Arnold Thomas Ibay, ang pamuno sang Police Regional Office – NIR nga karon skeletal pa lamang ang deployment sa mga probinsya para sa holy week kag sa Miyerkules gid maga sugod ang lubos nga deployment.
Kay gina paabot ang pagdagsa sa mga maga biyahe, tutukan ang mga bus terminal, airport kag seaports.
Kag tungod man nga ini isa ka religious nga kahiwatan gina paabot man ang pag dagsa sang mga tawo sa simbahan kag mga pilgrimage sites.
Kag sa mga naga bakasyon, mga resorts ang gina paabot man nga mangin fully booked kag nalakip naman ini sa mga deployment sang otoridad.
Wala gina tugutan ang leave kag day-off sa kapulisan sa sini nga mga inadlaw suno kay Ibay.
Naka alerto ang PNP batuk sa mga luyag mag pamentaha sa sitwasyon.
Samtang, Masako man ang pagtutok karon sang natungdan nga disaster teams sa paglupok sang bulkan Kanlaon, yara sa blue alert ang PDRRMC para man sa holy week kag ini ang magalawig tubtob sa Abril 21.
Pahanumdom ni Governor Eugenio Jose Lacson sa publiko labi na sa mga magabiyahe nga mag halong sa dalanon, indi magdali kag kun kinahanglan mag drive likawan ang pag-inom sang makahulubog nga ilimnon.