Sumugod December 1, full alert na ang PNP para sa holidays. Samtang, kasunod man sang natabo sa Calatrava kun sa diin isa ka pulis ang napatay matapos gin-alegar gintiro sang mga armado, kapulisan gina abisuhan nga mag mangin alerto man sa ila security.
Ginsiling ni Captain Judysses Catalogo, ang Negros Occidental PNP PIO, nga wala na ginatugutan karon ang katapo sang pulis sa pag leave bangud nga nakatutok na sila sa holidays.
Wala labot sa pag pabakod sang police visibility paagi sa deployment sang mga patrol cars, priority sa areas sa deployment sang police personnel, amo ang mga puerto, airport kag terminal.
Nalakip man diri ang mga resorts nga gina sayuhan. Wala labot sang kasakuon sang publiko nga mahimo mapamentahaan, nalakip man sa bantayan sang PNP ang pagsaulog sang anibersaryo sang Communist Party of the Philippines sa Disyembre 26.
Samtang gina pahanumdum ang kapulisan nga pabakuron ang ila nga defensive stand kag labing mangin mabinantayon sa ila nga palibot para sa ila nga seguridad.*
[sibwp_form id=1]