PNP hugot nga ginabantayan ang mga ginakabig points of entry agud mapunggan ang pagsulod sang iligal nga droga sa MassKara Festival.
Malapit 1,000 ka mga police personnel ang iga-augment sang Police Regional Office 6 sa Bacolod City para sa MassKara Festival 2024. Gani wala labot nga magabantay sila sa mga festival sites, iga-deploy man sila sa mga ginakabig points of entry kasubong na lang sa seaport kag mga terminal.
Ginsiling ni Western Visayas PNP Regional Director Police Brigadier General Jack Wanky nga kabahin ini sang hugot nga pagbantay batuk sa possible pagsulod sang iligal nga droga.
Indi malipod suno sa iya nga masami nangin dalagko ang supply sang iligal nga droga ang sarang na-intercept antes kag samtang ginapatigayon ang tuigan nga selebrasyon.
Padayon coordination sa tunga sang PNP kag iban pa nga enforcement agency bahin diri agud mas mapabaskog pa ang pagpatuman sang mga anti-illegal drug operation dungan sa okasyon.