Digicast Negros

PNoy nagtaliwan sa edad nga 61

May mga Negrense kag Bacolodnon ang nagpabutyag sang ila nga kasubo sa pagtaliwan ni anay Presidente Benigno Noynoy Aquino kaina sang aga.

Sa Kapitolyo Probinsyal naka half mast ang hayahay sang pungsod kasubong man sa iban pa gid nga mga talatapan sang gobyerno.

Suno kay Governor Eugenio Jose Lacson, ginapasidunggan kag ginapasalamatan sang pumuluyo sang Negros Occidental ang mga hinimuan ni anay Presidente Aquino sa pungsod.

Ginakilala suno kay Lacson ang mga accomplishment sang Aquino administration ilabi na sa bahin sang ekonomiya, ang pagbag-o sang panan-awan sang iban nga pungsod sa Pilipinas bahin sa corruption kag ang pag-pakigbato sa kinamatarung sa West Philippine Sea.

Dugang pa ni Lacson si PNoy ang naghatag sang higayon sa isla sang Negros nga mangin isa ka region.
Para naman kay anay governor Rafael Coscolluela, mahimo nga sa pagtaliwan ni PNoy, madumduman ang iya maayo nga mga binuhatan ilakip na ang dungog nga nahatag sa mga Pilipino sa sahi sang iya nga liderato.

Masubo suno sa anay gobernador nga ang isa ka anay presidente mas madumduman sa gina lantaw mga kapaslawan sini sang sa iya sini nga mga accomplishment.

Suno kay Bacolod Congressman Greg Gasataya, iya nga ginakasubo ang pagtaliwan sang anay presidente kag siya ang nagabuylog man sa kalisod sang pamilya Aquino.

Suno naman kay victor puey nga katapo sang liberal party kag nagserbe nga provincial chairman sa masobra napulo ka tuig, nga partido man ni PNoy,

Siya ang nagakasubo sa pagtaliwan ni Aquino nga para sa iya nangin the best president sang pungsod.

Mga netizens ang nagpabutyag man sang ila nga kasubo sa pagtaliwan sang anay presdente.

Gindala sa ospital si Aquino kaina sang aga kun sa diin siya ang nagtaliwan sa edad nga 61.

Exit mobile version
Skip to toolbar