Nagapadayon na ang procurement process sang siudad sang Bacolod para sa pag-hire sang blue guards nga magabantay sa Bacolod City Public Plaza.
Ginsiling ni City Administrator Atty. Mark Steven Mayo, nga madamo na sang mga negatibo nga komento ang publiko nahanungod sa plaza, rason nga kinahanglan na nila mabutangan sang pribado nga mga gwardya ang palibot sang plaza.
Sandig kontrata, Hunyo tubtob Disyembre sini nga tuig, blue guards na ang mabantay sa plaza.
Sa 12 ka oras nga shift, tatlo ka blue guards ang ideploy kada anum ka oras. Kaupod sini nga magabantay ang mga empleyado sang POSO kag katapo sang Police Station 1.
Nagaplano man ang siudad nga mabutang man sang blue guards sa mga mayor nga mga lugar sa siudad.
Damlag pa, ginpahayag ni Bacolod City Mayor Greg Gasataya nga sa sulod sang ginakay-o nga plaza nagapanago ang mga street dwellers, kon adlaw, rason nga indi ini sila gilayon madakpan.
Bangud sini, nagmandu na ang alkalde sa contractor sang plaza nga padasigon ang construction bangud sang tinalikdan pa nga tuig ini dapat nahuman sandig sa ila ginkasugtan.*
[sibwp_form id=1]