Pinay pilason matapos ginbuno sang Amerikano nga mister

Nagpangayo sang bulig sa ila tupad-balay ang 37-anyos nga babaye matapos ginbuno sang iya Amerikano nga bana sa ila apartment sa Barangay 5, Sipalay City, sang Domingo sang kaagahon.

Nakaangkon sang mga buno sa iya tiyan kag guya ang biktima nga si alyas “Gina”. Siya ang gindala sa Sipalay City Infirmary apang gilayon man nga gin-refer sa ospital sa Bacolod City agud magpaidalum sa surgery.

Samtang, gindakup ang suspek nga si alyas “Carl”, 47-anyos, taga North Philadelphia sa Estados Unidos. Detained siya karon sa Sipalay PNP.

Nag-gwa sa imbestigasyon nga nag-abot nga hubog kag akig ang suspek sa ila apartment. Nagkuha siya sang sundang kag ginbuno ang biktima.

Pagpangimon ang ginalantaw motibo sa krimen. Suno sa ila kaingod-balay, may indi pag-intyendihanay ang mag-asawa humalin pa sang tinalikdan nga mga inadlaw.*

[sibwp_form id=1]