Mga las 3:45 sang Lunes sang hapon sang gintiro sang mga lalaki nga naga sakay sa maroon nga Innova ang isa isa ka motorcycle rider sa may national highway sang Sitio Asinan, Barangay Bagonawa, banwa sang San Enrique.
Sa imbestigasyon sang PNP gin sundan na nga daan sang salakyan sang mga gunman ang biktima kag pag abot sa lugar sang insidente, ginapaulanan siya nila sang tiro kag nag palagyo. Napatay ang rider nga si alias Elmor.
Gilayon nga naka tawag ang San Enrqiue PNP sa Negros Occidental Police Provincial Office kag naghatag sang abiso angut sa natabo nga shooting incident.
Pinaagi sa CCTV footages na-identify ang salakyan nga gin gamit sang mga gunman kag gin pa alerto ang iban nga PNP station.
6:20 sang gab-i sa amo man mismo nga adlaw, na intercept ang salakyan sa Purok Crossing La Carlota, Barangay Don Jorge Araneta sa Bago City kag na aresto ang tatlo ka mga persona nga sakay sini nga sanday alias “Chris, alias “KM,” kag alias “Mar.”
Na recover man ang mga pusil, bala, salakyan kag mga dokumento gikan sa mga gunmen.
Gina handa na karon ang kaso nga ipasaka batuk sa ila samtang gina usisa pa sang PNP kun ano gid ang ginahalinan sang natabo nga pagpaniro.
[sibwp_form id=1]