Site icon Digicast Negros

Pinaagi sa K9 unit, 3 ka kilo sang shabu narecover sa roro vessel

PDEA photo

YouTube player

Sa random panelling and inspection sang katapo sang Philippine Coast Guard k9 Unit may namutikan ang narcotics detection dogs sa sulod sang awto nga puti nga sakay sa nagdungka nga roro vessel sa Bredco port sa Bacolod kahapon.

Gani gilayon man nga nag coordinate sa PDEA Negros Occidental ang PCG-Bacolod tubtob nga gin usisa nila ang unod sang salakyan.

Isa ang Belgian malinois nga si Loppy nga isa sa mga narcotics detection dogs nga nag usisa sa salakyan.

Ang iya pagpungko sa na recover nga package senyales sang napat ud nga contrabando.

Natukiban sang mga otoridad ang ginabulubanta tatlo ka kilo sang ginapatihan shabu nga naputos sa tatlo ka mga tea bag nga nakatago sa compartment sang awto.

Ginabulubanta nagabalor sa 20 milyones pesos ang balor sang iligal nga droga.

Sanday Jalanie Ambulo kag Aslanie Usman nga amo ginatudlo nagmaneho sang salakyan gikan dumangas pa Bacolod ang nagpanginwala angut sa narecover nga iligal nga droga.

Yara na sila sa custodiya sang PDEA Negros Occidental kag ginpasakaan na sang kaso angut sa paghupot sang iligal nga droga.

Ginapadalman pa sang otoridad kun diin gikan ang supply sang iligal nga droga nga ginapatihan inugbaligya kuntani sa Bacolod.

Exit mobile version
Skip to toolbar