Sa video nga kuha ni Claudine Santiso nga pamuluyo sang Brgy. Amin sa banwa sang Isabela, mabaskog ang daludo sang tubig sa overflow Domingo sang hapon.
Rason nga pila man ka oras nga na stranded ang mga pumuluyo nga maga tabok.
Sa report sang Isabela Disaster Risk Reduction Mananagment Office, 131 ka mga pamilya ang gin paidalom sa pre-emptive evacuation sang domingo gikan sa Barangay Maytubig, Rumirang, Bulad kag Brgy. 5.
Sa kaiping nga banwa sang Moises Padilla, 42 naman ka mga pamilya base sa report sang DSWD ang gin evacuate kahapon sang hapon bangud sang flashflood sa stockyard sakop sang Brgy. 1.
Sa banwa sang Hinobaan suno sa report sa PDMPD, 50 ka pamilya ang gin evacuatee gikan sa Barangay Poblacion, Bulwangan kag Talacagay.
May gin report man nga mga kasapatan nga nag kalamatay.
Kag sa Sipalay City naman sa partial report sang DRRMO, may 289 ka mga persona ang gin evacuate gikan sa Brgy. Mambaroto, Maricalum, Gil Montilla kag Nabulao.
May landslide naman sa Barangay Mambaroto, Maricalum, Gil Montilla kag Mabulao.
Suno sa pamuno saang SEARS nga di Dionilo Bogtae as of 1:30 pm padayon pa ang clearing operation sa dalan paadulong sa Campomanes area bangud sang landlside kag pagkatumba sang mga poste sang kuryente.
“Ang sa Maricalum going to Campomanes Bay unpassable tungod sang poste sang NOCECO nga nagkalatumba nag cross gis sa dalan. And then ang pag landslide naga cover man sa atun dalan that’s why unpassable pa subong going to Campomanes,” suno kay Bogtae.
Suno naman kay Zeaphard Caelian ang pamuno sang PDMPD ang mga gin evacuate ang amat amat na naka pauli sa ila nga mga balay.
Ang pagbaha tuga sang mabunok nga ulan.
“Even though indi ta directly affected pero indirectly affected kita tungod may patches of rain sya nga naga apekto sa probinsya. Sa sur nga medyo didto nayon may ara sang mabunok nga ulan amo na ang naapektuhan naton. Kag ang aton mga water ways,” suno kay Caelian.
Padayon naman ang abiso sa mga pumuluyo nga mag aligmat ilabi na ang mga yara sa nanub aan ng mga lugar kag kilid sang suba.
May pagtaas man sang tubig sa Talisay City, Kabankalan kag La Castellana.