Pila ka mga barangay sa Guihulngan City sa Negros Oriental ang ginbaha bangud sang mabaskog nga ulan kahapon. Ang netizen nga si Mary Grace Absin Esconde ang nag post sa social media kahapon angut sa ila sitwasyon sa Barangay Padre Zamora kun sa diin tubtob tuhod ang tubig baha.
Ang Disaster Risk Reduction Management Office sang Guihulngan ang nagpaandam na sa nga pumuluyo kahapon ilabi na sa mga malapit suba bangud sa posiblenga pag luntad sang baha.
Ini base man sa thunderstorm advisory sang PAGASA. Wala man sang reported nga gin evacuate bangud sang baha suno sa DRRMO.
Ang ITCZ ukon Intertropical Convergence Zone amo naman karon ang naga dala sang pagulan sa Visayas lakip na sa Negros suno sa PAGASA.