Pormal nga nagpadala sang sulat ang isa ka residente sang Barangay 7 sa Bacolod City agud ireklamo ang suno sa iya tuman ka gahod nga pickle ball court kun gab-i malapit sa ila puluy-an.
Ginsiling ni Councilor Al Espino, nga nahamtang sa 13th-Lacson streets ang gina reklamo nga pickle ball court, ang personal ya man nga ginkadtuan.
Suno sa iya, open ang court kag yara lang ini sa kilid sang dalan, rason nga magahod gid man ini kun may nagahampang kun gab-i.
Dugang sang konsehal, ang Dumaguete City sa Negros Oriental nga ginaduso nga mangin pickle ball capital sang pungsod ang may yara sang masobra 300 ka mga courts, apang may ordinansa ini nga nagadumili sa mga outdoor courts nga mag operate sumugod las 10 sang gab-i.
Isa man ini sa ginalantaw nga solusyon ni Espino agud ma solusyonan ang kaangay sini nga mga reklamo.
Ginklaro naman ni Hannah Reyes co-owner sang court, ginpa Baranggay na sila sang tagreklamo sang tinalikdan nga mga binulan kag sumugod sang Mayo 20, tubtob las 10 sang gab-i nalang ang ila operasyon.
Dugang pa niya, kompleto man ang tanan nila nga permits para sa pag operate sang pickleball court.
Handa man nga mag-atubang sa SP ang tag-iya, kun ipatawag ini. Nagapati man siya nga indi residential area ang lugar kun ibase sa zoning.
Madamo man sang benepisyo sa ikaayong lawas ang pickle ball suno sa konsehal, apang indi man pwede nga magsakripisyo ang mga naga-istar malapit sa mga outdoor courts.
"So starting May 20 na sir nagset na kami ya time nga 10 PM nalang kami asta. So 10 PM nalang kami asta and then after that gasige dyapon ang iya reklamo, like barangay mga amo na bala. July, August, asta subong nga nakibot kami nga ara na kami sa news. So I think its unfair man nga ara bala nag comply na kami,” suno kay Reyes.
[sibwp_form id=1]