Provincial Health Office ang naga paandam kag naga bantay batuk sa mga masakit nga mahimo dala sang pag-ulan kag pag baha.
Precautionary medicines ang gin-release na sang PHO.
Suno kay Dr Girlie Pinongan, ang Provincial Health Officer, wala pa man sila sang may nabaton nga report angut sa mga kaso sang flood related nga mga masakit.
Pero wala sila naga untat sa pag pahanumdom nga kun mahimo likawan ang pag ubog sa tubig baha. Suno kay Pinongan, may mga kabataan gani nga naga hampang pa sa ulan kag sa tubig baha.
Ila na napadangat ini sa natungdan nga mga city health official. Naga paandam man si Pinongan sa water borne diseases.
Indi malikawan ang water contamination sa tion sang pag baha. Mas maayo nga pabukalan ang tubig ilimnon.
Sa mga evacuation center naman naga abiso si Pinongan nga kun may mga naga ubo ukon naga sip-on maayo separahon na sila para indi man makalaton sa iban.
Balantayan ang trangkaso.
“Kun may ara sang mga stagnant waters so amo man na ang balantayan man. Kun may gina batyag pa gid especially kun ara sila sa evacuation center, kun sa diin sila nga areas kadto lang sa nearest nila nga facility nga 24/7 man especially sa aton mga hospitals. Still we are on code white alert”, suno kay Pinongan.
