PHIVOLCS ang wala naga untat sa pag pahanumdom sa mga pumuluyo labi na ang malapit sa Bulkan Kanlaon nga indi mag pa kampante kag likawan na ang pagsulod sa 4km permanent danger zone.
Dapat mangin handa sa tanan nga tion kay kun enkaso nga mag lupok sang PDC indi sarang nga malampuwasan.
Kaina sang aga maka duha ka beses nga nag buga sang abo ang Kanlaon – una 5:32 sang aga kag ika duha 6:01 am.
Sa nagligad nga 24 oras may lima ka ash emission ang bulkan kag lima ka volcanic tremors. 2,975 tons sa kada adlaw sa May 4 nga datus ang sulfur dioxide flux.
Suno kay Ma Antonia Bornas ang chief sang Volcano Monitoring and Eruption Prediction Division sang PHIVOLCS nangin long term na ang unrest sang bulkan kag nangin madugay na ang iya build up nga gina paabot sa ulihi ang isa ka magmatic eruption.
Makusog ang mga parameters sang Kanlaon, suno kay Bornas nga naga lakip sang volcanic earthquakes, ang wala naganubo nga sufur dioxide emission, ground deformation kasubong man pila ka mga moderate explosive eruption na.
Suno kay Bornas ang mga naga puyo sa PDC ukon pyroclastic density current hazard zone dapat mangin handa enkaso nga kinahanglan ipatuman ang evacuation.
Paathag niya indi mapunggan ukon wala sang maka pugong sang paglupok sang bulkan. Isa sa problema sa Kanlaon suno kay Bornas amo nga ang mga areas nga gina kabig high risk, dira man mismo nahamtang ang mga major roads.
“Avoid the 4km permanent danger zone and again yung ang ating mga residente living within the hazard zones, yung pyrcoclastic density hazard zones kailangan po ay may kahandaan na po tayo sa agarang paglikas. Alam ko po napakahirap, we should not fight the possibility. We just need to prepare for that. It’s not up for us if the volcano will erupt or not. Based on our scientific data talagang matagal po nag peprepare ang kanlaon, we really need to prepare kahit po labag sa kalooban natin”, suno kay Bornas.*
[sibwp_form id=1]