Wala nagapasilabot ang Philippine Army sa Visayas sa kun ano man ang inaway sa pulitika sa pungsod sa karon.
Ini ang suno sa kay 3rd Infantry Division Spokesperson Lt. Col. J-Jay Javines. Sa tunga sang naga gwa nga sugilanon nga may movement sa katapo sang AFP suno kay Javines wala ini sang kamatuoran.
Ang army sa Visayas ang masako sa karon sa pag lubad sa problema angut sa local communist armed conflict kag sa kaso sang Negros, naga sentro karon ang operasyon sang Philippine Army sa 6th district kun sa diin may walo ka mga nabilin nga pwersa sang NPA nga napatay sa encounter sang nagligad nga semana.
Wala man naga untat ang operation sang army sa Panay Island.
Dugang pa ni Javines ang mga soldado nga nagapakigbahin sa pulitika ang sinang una pa kag wala na gakatabo sa karon.
Ang AFP ang nag pagwa man sang pahayag nga fake news ang naga lapta nga sugilanon nga may movement sa bahin sang mga soldado sa tunga sang naga init nga bangigay sang matag-as nga mga opsiyal sa pungsod.
“Ang ginakasakuan naton subong ang tapuson naton ang problema naton sa local communist armed conflict. Amo na ang aton directive by the end of the year di ba? So wala gid ta amo sina nga nabatian kag ang aton soldado subong lessons learned na na sang aton soldado. Ang mga amo na is a thing of the past na”, suno kay Javines.