Natapos ang pagpakuno-kuno sang isa ka lalaki nga nagpakilala bilang agent sang Philippine Drug Enforcement Agency matapos madakpan sa buy-bust operation nga ginpatigayon sa Barangay Zone V sa banwa sang Murcia.
Arestado si alyas “Dimpoy”, 34- anyos, wala sang obra kag residente sang Barangay Zone IV sa Murcia.
Suno sa report sang PDEA-Negros Island Region, nagapakilala nga PDEA agent si “Dimpoy” agud i-cover up ang iya kaangtanan sa illegal drugs.
13 ka pakete sang ginasuspetsuhan shabu ang nakuha sa iya.
Ang peke nga agent ang gin-report man sa Isumbong Mo sa PDEA hotline, rason nga nagpatigayon sang buy-bust ang otoridad agud madakop ang impostor.