Rider napaslawan magpa load gamit ang peke nga kwarta sa isa ka loading station.
Sa video nga kuha sang CCTV makita ining isa ka lalaki nga naga helmet kag naka face mask nga nagtuyo magpa load sa isa ka opisina sa Barangay Villamonte sang Lunes.
Istorya ni Remy Arangote, natingala siya nga naga dali gid magpa load sa GCcash ang lalaki nga nagpakuno kuno customer.
Pero sang maduhol sa iya ang kwarta, nakit an niya nga daw lain ang kolor sang tig isa ka libo ka pesos nga bill nga nagabalor dies mil pesos.
Gintawag gilayon ni Remy ang iya bana para ma usisa ang nabaton nga kwarta.
Pero nalagyo na ang lalaki nga nag angkas sa motorsiklo.
Gindugang ni Remy nga sang nagligad nga bulan nabiktima na siya sang isa man ka nagpakuno kuno customer nga nag gamit sang peke nga kwarta.
Gin report na ni Remy ang insidente sa Police Station 4. Ginpa usisa naman gilayon sang kapulisan ang narecover nga mga 1 thousand peso bills.
Paandam sang kapulisan sa publiko mangin maid id sa pag usisa sang ginaduhol nga kwarta agud indi man mabiktima sang nagalibot nga peke nga kwarta.