P50M nga pondo gintalana para sa pedestrian mall nga ginaplano itukod sa reclamation area.
Magluwas sa iconic chicken inasal sang Bacolod luyag sang siudad nga ma-highlight ang mga ginapabugal nga produkto sang probinsya sa ginaplano nga pedestrian mall.
Ang pedestrian mall nga makit-an man sa pila ka mga lugar sa abroad ang luyag ni Mayor Albee Benitez nga mapahamtang sa Fr. Ferrero street agud nga matagaan opportunidad ang mga local producers ilabi na ang mga tenants sang Manokan.
Ang Bacolod LGU ang nagpain sang kapin P50M gikan sa loan agreement sa tuyo nga matukod ang isa ka permanente nga atraksyon sa reclamation area.
Kabahin sang plano ang pagtukod sang isa ka dome kag dugang nga mga stalls sa kilid sang dalan.
Gindugang sang alkalde nga mahimo nga magserbe man ang ginpasirad-an nga dalan para sa night market kun diin sarang matagaan sang opportunidad ang mga ambulant vendors sa reclamation area.