Partido Demokratiko Pilipino sa Negros ang naga plano nga may iga field nga mga kandidato agudto nga may sarang mapilian ang mga bumuloto.
Deputy Sec Gen for Visayas, Jayvee Hinlo nagalantaw man sang posibilidad nga mag padalagan.
Tubtob sa karon wala pa sang opisyal nga sabat si anay Victorias Mayor Francis Frederick Palanca kun bala siya ang maga bunggo kay Negros Occidental Governor Eugenio Jose Lacson suno kay Hinlo.
Isa ka mahimo nga matabo kun indi si Palanca magpapili, suno kay Hinlo amo nga sila ang maga ally kay Lacson ukon sa mahimo maga kontra kay Lacson sa 2025 elections.
Tuyo sang PDP nga magtanyag sa mga bumuluto sang mga bag-o naman nga nawong sa pulitika. Sa bahin ni Hinlo, iya ginsiling nga seryoso niya nga gina hatagan konsiderasyon ang magpapili ayhan sa Bacolod City, sa isa ka national post or sa partylist.
Kun ang national post nagatumod sa senado, iya gin siling nga tanan may posibilidad.
Naga laum sila nga sila ang maka haboy man sang challenge sa pulitika pero indi man lipod sa ila nga ihibalo nga sa amo nga sitwasyon kinahanglan ang resources kag ini nga bagay ang mabudlay.
Pero suno kay Hinlo kun ang mga challenger ang luyag nga magpakigbato ang PDP ang magasuporta sini.
“It’s a hope to put forth a challenge. But we also know the reality that in politics you also need resources and that’s the hard part. But if the challengers are willing to I’m pretty sure PDP will be supportive of that”, suno kay Hinlo.