Digicast Negros

Pasahero patay, drayber sang tricycle pilason sang magbungguanay sila sang isa ka SUV

Police Station 2 photo

Patay ang babayi nga pasahero sang tricycle samtang pilason naman ang driver sini matapos magbungguanay ang tricycle kag isa ka SUV sa tunga sang dalan sa Lacson Burgos kaina sang aga.

Wala pa sang identity sa karon ang PNP sa napatay nga babayi.

Suno kay Lt Andy Ofalia, deputy chief sang Police Station 2, wala naga andar kaina ang traffic lights sa intersection bangud sang brown out gani didto na nag bungguanay ang tricycle nga yara nagadalagan sa dalan Lacson kag ang SUV naman nga nagadalagan sa dalan Burgos.

Gindala pa sa ospital ang pasahero pero wala na ini makaluwas. Padayon naman ginabulong ang tricycle driver nga si Gilward Dalumpines.

Ginhold naman sang PNP ang driver sang SUV.

Exit mobile version
Skip to toolbar