Partially-damaged ang duha ka panalgan nga building sa Bacolod Tay Tung High School matapos masunog pasado las 9 sang aga kaina.
Isa ka 43-anyos nga staff sang buluthuan ang pilason sa insidente.
Suno kay Fire Officer 2 Anthony Val Isansa, fire investigator sang Bacolod Bureau of Fire Protection, magamit kuntani sang fire extinguisher ang staff pagkakita sini sang kalayo.
Apang sang pagbuka sang crystal nga sulodlan sang fire extinguisher, napilas sang buka nga crystal ang iya natu-o nga siko.
Gilayon man nga ginbulong ang nasambit nga staff sang Emergency Medical Service sang Bacolod BFP.
Nagdangat sa P76,800 ang halit sang sunog.
Padayon pa ang imbestigasyon sa gintunaan sang sunog.
Samtang padayon ang firefighting operations, temporaryo nga wala lang anay nagtughong sang mga salakyan ang gasoline station sa atubang sang eskwelahan.
