Ang Lacson Street halin sa Capitol Lagoon padulong sa BS Aquino Drive ang sarado na.
May mga baral na sa mga dalanon. Ang mga stage ang naka set up na. Sa may North Capitol Road ang sun set stage naka set up na.
Mga sikat nga banda ang natalana nga mag perform diri sa ulihi nga tatlo ka adlaw sang MassKara Festival.
Bangud sarado na ang dalan, bumper to bumper naman ang mga salakyan malapit sa sini nga area.
Sa mismo Lacson Street may mga stage pa gid nga gina set up. Ang dalan Gatuslao kag Aguinaldo ang ginpang himo na nga one way.
Ang Aguinaldo ang para sa mga salakyan padulong sa norte kag ang Gatuslao naman ang padulong sa sur.
Sa Biyernes tubtob domingo ang party sa Lacson Street sa ulihi nga tatlo ka adlaw sang MassKara Festival.
Ang electric masskara sa Sabado naman ang maga sugod sa The Upper East padulong sa Bacolod City Government Center.