Padayon ang pagpahanda para sa Panaad sa Negros Festival nga maga bukas na sa Abril 15.
Pero sa Abril 12 ipatuman ang press presentation para sa Lin-ay sang Negros.
Kahapon nag courtesy call kay Negros Occidental Governor Eugenio Jose Lacson kay kay Vice Governor Jeffrey Ferrer kag sa bilog nga SP ang 29 ka mga Lin-ay sang Negros Candidates. Panugyan sang gobernador sa ila nga sa kadamo man sang ila nga mga sumulunod kag tumalan-aw sa pageant night labi na sa question and answer portion nga indi mag panic kag tigaylo mag pabilin nga kalmado. Dapat man nga iga enjoy nila ang amo nga higayon labi na nga sila ang naga tiglawas sang ila nga mga banwa kag siudad. Sa Abril 12 man patigayunon ang Talent Compeition sa Ayala Event Center.
Magasugod sa isa naman ka Thanksgiving Mass ang pagbukas sang Panaad sa Negros Festival sa Abril 15. Nalakip sa aga ang pagbukas sang Livelihood and Security Fair, Food Alley, Livestock and Dairy Fair Exhibit kag MUAD And PGNO Abanse Negrense Trade Fair. Dululungan naman nga maga bukas ang Themed Pavillions. Sa hapon ang grand opening ceremony nga naga lakip naman sang Best of Festival Dances Competition kag ang Pa Concert ni Gov.