Grupo nga Crusaders for Justice ang nag file sang reklamo sa Office of the Ombudsman batuk sa pamuno sang Department of Public Works and Highways kag Community Environment and Natural Resources Office sang Bago City bangud sang pagpang utod sang mga kahoy sa daan nga airport sang Bacolod.
Ang founding president sang grupo nga si Dominador Villaluna Jr. ang nagpadala sang reklamo sa Office of the Deputy Ombudsman for the Visayas batuk sa kay DPWH Bacolod district engineer Jaime Javellana kag CENRO Bago head Engr. Joan Nathaniel Gerangaya.
Ginpahayag ni Villaluna nga makabig nga grave misconduct, gross ignorance of the law kag grave abuse of power ang ginhimo sang amo nga mga ahensya sang gobyerno sa pagpang utod sang dalagko kag gulang nga mga kahoy sa sidewalk sang daan nga airport.
Damlag pa ginpahayag nanday Javellana kag Gerangaya nga kumpleto ang tanan nga procedural requirements sa idalum sang kasuguan para sa pag utod sang mga kahoy gani indi makabig nga iligal ang ila ginhimo.
Gina abi-abe naman nila ang reklamo ni Villaluna kag handa sila nga sabton ini sa tion nga makabaton na sila sang complaint gikan sa Ombudsman.