Tubtob subong nagahulat sang update ang pamilya sang Negrense caregiver sa Israel nga sa karon missing gihapon.
Suno kay Annabella Alacre, sila ang naga hulat sang balita angut sa iya nga manghod nga si Loreta Alacre nga taga Cadiz Viejo sa Cadiz City, nga humalin sang Sabado wala sila sang contact. Labing ginalauman nila nga buhi siya.
Nagatrabo bilang caregiver sa Tel Aviv sa Israel si Loreta kag suno sa iya magulang nag lagaw ini sa music festival nga amo ang gin atake sang militant group nga Hamas.
Naghinyo sang bulig sang Department of Migrant Workers ang himata ni Alacre.
Pero wala pa man sang update suno kay Annabella.
“Wala pa kami gid ya update. SA DMW nag report kami, kag nagtawag na ang DMW. (ano hambal nila?) Wala pa ginahulat pa namon. (ano gina pangayo mo nga bulig kay Gov?) nga mabuligan kami. Kabay pa nga buhi siya”, suno kay Annabella.
Suno kay Negros Occidental Governor Eugenio Jose Lacson, may Migrant Resource Center man sa probinsya kun sa diin sarang makahinyo sang bulig ang yadtong may mga himata sa Israel nga apektado sang gamo.