Ginpalip-utan na sang Bacolod LGU ang pagbayad sa ila mga obligasyon sa mga suppliers kag contractors sa sulod sang 30-day period.
Binulan ang kalawigon antes pa man mabayaran sang siudad ang ila mga suppliers kag contractors.
Suno kay Mayor Albee Benitez ini ang masami kabangdanan nga daw wala na sang may interesado nga suppliers bangud sang madugay nga proseso antes pa man nila mabaton ang bayad halin sa siudad.
Gani sa iya pagsinapol sa mga department heads iya man ginmando ang pagpatuman sang 30-day period sa pagbayad sang tanan nila nga mga suppliers kag contractors.
Nagalaum ang alkalde nga mas mangin efficient ang proseso sa mga government transaction paagi sa digitalization program nga kabahin sa priority project nga pagaponduhan sa idalom sang ginaduso nga P3.6B annual budget sa 2024.