Mayor Albee Benitez gina-abi abi ang pagtukod sang ginakabig pinakadako nga solar farm sa Negros Occidental.
Na-endorso na sa Committee on Energy sang Sangguniang Panlungsod sang Bacolod ang request sang Negros PH Solar Incorporated para sa Resolution of No Objection para sa proposed 150 megawatt solar power plant sa Barangay Felisa sa Bacolod nga magatabo sa Barangay Tabunan sa Bago City.
Indi lang makapasanyug sang ekonomiya ang solar plant sang solely-owned Filipino Corporation kundi sarang pa ini makabulig sa pagpanubo sa balayran sa kuryente. Bagay nga labi nga ginaabi-abe ni Mayor Albee Benitez nga nagdihon sang isa ka “Power Plan” agud mapanubo pa ang presyo sang supply sang kuryente sa probinsya ilabi na sa Bacolod.
Nagapati ang alkalde nga sa bulig sang mga renewable energy power plant sa probinsya kasubong sang biomass kag solar power plant mas mapanubo pa ang balayran sang mga kunsomedor.
Magluwas sa Barangay Felisa may ginplano man sadto nga solar power plant nga itukod sang pribado nga kumpanya sa Barangay Vista Alegre.