Makita sa closed-circuit television camera footage ang pagpanaug halin sa tricycle sang lalaki nga nagasuksok sang itom nga t-shirt kag puti nga shorts.
Naglakat ang lalaki kag nagsulod sa bukas nga gate sang isa ka balay sa Fortune Towne, Barangay Estefania, sa Bacolod.
Pagkaligad sang masobra 20 ka minutos, naggwa sa gate ang lalaki nga may bitbit na nga binagtong.
Suno sa tagbalay nga si Job Libajan Besa, nadula sa iya kwarto ang laptop, tablet, Bluetooth speaker, bag, charger, plantsa kag kwarta. Nagdangat sa P10,000 tubtob P15,000 ang balor sang tanan nga gin-alegar nakawat.
Pahayag sang tag-iya, pwersa nga ginbuksan ang pwertahan sang mga kwarto gamit ang kutsilyo nga yara sa kusina sang balay.
Utod na ang punta sang kutsilyo sang makit-an ini sang tagbalay.
Ulihi na sang nahibaluan sang tagbalay nga nagsulod ang gin-alegar kawatan.
Ugto sang Agosto 14 natabo ang insidente kag igapa-blotter pa ini sang tagbalay sa Police Station 4.
Nagalaum si Besa nga madakpan na ang lalaki, bisan nga indi na mabalik ang iya mga gamit.
[sibwp_form id=1]