Sa tunga-tunga sang bulan sang Mayo, gina paabot ang pag sugod tupa sang ulan sa pila ka bahin sang pungsod kag ang pag transition naman sa tig-ululan.
Ini suno kay Irene Bel Plotena ang pamuno sang Provincial Disaster Management Program Division base man sa advisory sang PAGASA.
Naga kasayuran nga sa amo nga tion maga bulubugnaw naman ang temperatura kun ipaanggid sa sitwasyon karon.
Sa nagligad nga duha ka adlaw suno sa PDMPD may pag tupa sang ulan sa pila ka mga lugar sa northern kag southern Negros.
Sa sur nga amo ang natam-an sang igo sang El Nino may pag-ulan sa Himamaylan, Sipalay, Hinobaan, Candoni kag Kabankalan.
Subong pa lang naga abiso na ang PDRRMO sa pag panghanda sa La Nina nga suno sa PAGASA may 60 percent nga possibility sa bulan sang June, July kag August.
Yara na sa tagsa ka LGU ang mag patuman sang clearing sa ila nga mga drainage kag waterways.
Suno kay Governor Eugenio Jose Lacson maayo man ang pag-ulan, pero kun La Nina ukon bagyo ang mag-igo mas daku pa ang kahalitan nga matuga sini sang sa El Nino.
“Closely monitoring kita sa PAGASA kag sa ila nga advisory. Ang aton nga mga LGUs naga conduct naman sang series of trainings nila kag naga preposition naman sila sang ila nga mga kinahanglanon.
Ga advise kita nga maka clear na sila sang drainage nila, maka preposition naman sila maka pang (trim) sang kahoy nila”, suno kay Plotena.