Pag transfer sang mga opisina gikan sa daan nga city hall sang Bacolod magasugod dasun semana. Indi na magtukod sang temporaryo nga mga opisina ang Bacolod LGU para sa mga offices nga mapektuhan sang natalana nga demolition para sa rehabilitation project sa daan nga city hall sa Luzuriaga Street.
Ginsiling ni City Engineer’s Office, OIC, Engr. Loben Ceballos, nakasugtan nga isaylo na lamang ang mga opisina sa nga open spaces sang Bacolod City Public Library sa dalan Araneta, Libertad Market annex building kag DAR office sa Barangay 14.
Gamiton ang natukod nga temporary Treatment and Monitoting Facility sa Barangay Alijis bilang storage facility.
Antes matapos ang bulan sang Abril posible masuguran na sang contractor ang pagpangudal sa palibot sang old city hall.
Kapin P223M ang pondo para sa construction kag rehabilitation project nga maga lawig sa sulod sang 18 ka bulan.