Gina fast track sa karon sang Office of the Civil Defense ang installation sang mga tent cities sa probinsya. Ini kasunod man sa sitwasyon nga gina pakita sang bulkan Kanlaon.
Suno kay Donato Sermeno, III ang Office of the Civil Defense Regional Director, sa Himamaylan City, 220 sa 500 ka mga tents nga target itukod sa tent city ang na-install as of February 12.
Damlag pa ginsiling ni Sermeno nga sa katapusan sang Pebrero gina lauman nila nga mangin operational na ang tent city.
Ang Vallehermoso nga damlag pa gin-identify man bilang tent city para sa apektadto sa Canlaon City ang wala sa gihapon sang may na identify nga site bangud sang terrain sa lugar.
Suno kay Sermeno ang duta sloping suno sa iya. May Memorandum of Agreement na sa tunga sang Guihulgan kag Moises Padilla pero wala pa man sang may nasugdan sa tent city sa Guihulgan suno kay Sermeno.
Kahapon nagbisita ang Regional Incident Management Team sa mga site sa San Carlos nga mahimo mangin tent City.
Suno kay Joe Alingasa ang DRRM head sang San Carlos ini sa Barangay Rizal nga mga tatlo ka ektariya ang kalaparon kag pribado nga duta kag ang ika duha sa Brgy Prosperidad.
Padal-an sila sang OCD sang mga 300 ka tents. Sa tion nga magsaka sa Alert Level 4 may 8,000 man ka persona sa Brgy Codcod ang ila nga iga evacuate.
Samtang, ginsiling man ni Sermeno nga padal-an man nila sang tents ang Canlaon City.
“Ang preparasyon naton ongoing. Yes we are fast tracking. Within this week sa Canlaon City padala namon didto ang iban man nga tents para later on kun diin sila mag decide, sila na lang matukod. Aside from San Carlos ang Canlaon City padal-an man sang tents”, suno kay Sermeno.