Patay ang isa ka lalaki matapos siya gintiro sa madulom nga bahin sang Reclamation Area sakop sang Purok Lampirong, Barangay 2 sang kagab-i.
Ang biktima ginkilala kay Aljun Rey Jarabilo nga isa ka barker.
Suno kay Lt Jonito Pastrana, deputy chief sang Police Station 2, naga bike lang ang biktima sang siya ang gintiro sa iya nga paglabay sa madulom nga bahin sang dalan.
Posible may kaangtanan suno sa pulis ang pagpatay kay Jarabilo sa kay Renalyn Maming nga ginpatay man sa Reclamation Area sang nagligad nga semana.
Padayon ang imbestigasyon karon sang PNP.