Regional Organic Agriculture Congress sa karon ang gina patigayon sa probinsya lakip na diri ang pagbukas man sang trade fair and exhibit.
Ang pagtililipon ang gintambungan sang mga tiglawas sang mga organic farmers groups sa bilog nga rehiyon.
Dinapit nga bisita ang mga opisyales gikan sa National Organic Agriculture Board.
Suno kay Governor Eugenio Jose Lacson ang amo nga pagtililipon daku nga bulig sa pag strategize sang palaabuton sang organic agriculture sa rehiyon.
Gina pabaskog man sang probinsya ang commitment sini sa sustainable agriculture lakip na ang mga pamaagi sini.
Sunok kay Undersecretary Zamzamin Ampatuan ang second alternate NOAB Chair, daku ang pagpanghangkat sa organic agriculture labi na nga magamay pa man lamang sa karon ang production gikan diri.
Sa kabiluga, 8 percent lamang ang organic agriculture production suno sa iya.
Bahin sa utan yara ini sa 25 percent, pero ang sa rice masyado kanubo, wala gani maka lab-ot sa 1 percent.
Daku ini nga pag panghangkat suno sa iya labi na ang sa bahin sang channels kag marketing nga dapat maplasta sang maayo.
Samtang sa Fiesta Market sa Ayala Capitol Central, nasalida ang Regional Organic Trade Fair And Exhibit nga gina pakigbahinan sang nagkalain-lain nga probinsya sa Western Visayas.