Gina usisa na sang kapulisan kun bala isa lang ka persona ang responsable sa sunod-sunod nga kaso sang pagpangawat.
Kuha sa cctv video ang pagpangawat sang isa ka lalaki sa sulod sang kalan an sa Bangga Ramos sang Martes sang hapon.
Makita ang suspek nga nagkuha sang tip box nga may unod nga masobra P800.
Suno sa mga waiter sang kalan-an masako sila nga nagaserbe sa customer amo nga wala nila matalupangdan ang pagpangawat.
Gina usisa naman karon sang kapulisan kun bala isa lang ka persona ang responsable man sa pagpangawat sang cellphone sa baligyaan sang cake sa tabok lang sang Bacolod City Government Center.
Suno kay Police Captain Francis Depasucat commander sang Police Station 4, mahimu nga pangayaw ang amo nga suspek.
Nagapakig-angut na sila sa iban nga police station agud mapat-ud ang identity sang suspek kag mapasakaan siya sang kaso.