Isa-isa nga ginhakwat sang isa ka lalaki ang puyo sang bombay, ahos, mansanas, peras kag iban pa nga gamit sa isa ka store sa Barangay Napoles sa siudad sang Bago, Lunes sang kaagahon.
Nakasuksok ang lalaki sang kalo, jacket kag shorts. Siya ang may mga tattoo man sa iya tiil.
Makita sa closed-circuit television camera footages nga may dala man nga bag ang lalaki nga posible amo ang iya pagasudlan sang iya kinawatan, suno sa tag-iya.
Magluwas sa mga panakot kag prutas, gintaban man sang lalaki ang pila ka mga tsinelas.
Suno sa post sang tag-iya, ginguba sang suspek ang kandado sang ila balaligyaan.
[sibwp_form id=1]