Nakuhaan sang CCTV video ang pagtaklas sang isa ka lalaki nga sakay sa motor sa isa ka balay sa Dona Juliana Heights Subdivision kahapon sang aga.
Nakita sa CCTV nga una kun tani nga sudlon sang kawatan ang isa ka balay nga may blue nga gate ugaling indi niya ini masulod bangud sa naka lock.
Sang mapalawan, nag tabok siya sa isa naman ka balay kag didto gin taklas niya ang nasambit nga balay.
Makita pa sa CCTV ang tiya sang biktima nga nag lili sa balay.
Suno sa tag iya, nabatian sang iya tiya sa pihak balay nga naga taghol ang ido gani iya ini gin lili apang wala man sang may nakita gani siya ang nag balik na.
Matapos ang malapit tres minutos matapos sang iya pag taklas, nag palagyo na ang kawatan sakay sa iya nga motor.
Suno sa biktima, nakuha sang suspek ang mga kagamitan nga naga balor 5 mil pesos lakip na ang mga ATM cards.