Namutikan man ang pagnubo sang swine deaths nga naga ka record sa kada adlaw, sa gihapon pagpabaskog pa gid sang protocol ang ipatuman.
Ang Animal Biosecurity Incident Management Team ang nag patigayon sini lamang sang assessment sa gina patuman nga biosecurity measures sang mga kabanwahanan kag siudad.
Suno kay Provincial Administrator Rayfrando Diaz, namutikan man ang pagnubo sang swine deaths, ang team ang nag hilisugot nga padayunon ang mga na establish na nga protocol kag pabaskugon pa gid paagi sa pag set-up sang power sprayers para sa vehicle disinfection sa anum ka ma strategic checkpoints.
Nalakip man diri ang massive nga pag decontaminate sang mga slaughterhouse kag auction market.
Ang pag hatag sang alternative nga livelihood assistance kasubong sang chicken kag cattle sa mga apektado nga hog raiser ang gintalakay man nila amo man ang debriefing sessions.
155.9 million pesos na ang balor sang kahalitan tuga sang pig deaths sa June 21 nga report sang Provincial Veterinary Office.