Paghinyo sang team gikan sa National Historical Commission para ma-usisa ang nabungkal nga ginapatihan pre-war tunnel ang aprobado sang konseho.
Natabunan na sang tamburong kag duta ang ginapatihan nadiskubrehan nga pre-war tunnel sa Roxas Street sa Barangay 39.
Pero kahapon gin-aprobahan sang konseho ang resolution niCouncilor Jason Villarosa para hinyuon ang National Historical Commission nga magpadala sang team para mausisa ang nadiskubrehan nga structure.
May mga residente sa lugar nga nagapati nga mahimo parte sang muscovado mill ang nakit-an nga structure nga himu sa tisa.
May nakutkot man ang mga nagakaayo sang drainage project salugar nga royda sang kalesa kag tul-an sang kabayo.
Nagmando na si Councilor Villarosa sa contractor sang proyektonga i-hold anay ang pagtabon sang semento sa lugar nga nakit-an ang ginapatihan pre-war tunnel ukon muscovado mill samtang ginahulat ang sabat sang NHC sa request sang council.