Digicast Negros

Pagdamo sang mapabakuna gina paabot na sang Bacolod EOC

Bacolod EOC ginapaabot ang pagsaka pa sang kadamuon sang magapabakuna sang Covid-19 vaccines pinaagi sa paghalog sang travel restrictions para sa mga fully vaccinated individual.

Suno kay Dr. Chris Sorongon, deputy for medical data and analysis sang Bacolod EOC, ginpa paabot nila ang pagdamo pa gid sang mga luyag magpabakuna matapos ginkakas na sang Inter-Agency Task Force ang RT-PCR test requirement para sa fully vaccinated individuals.

Nalakip man sa IATF Resolution 124-B ang pagpanubo sang quarantine days para sa mga fully vaccinated individual nga malatnan sang virus kag close contact sang Covid-19 positive.

Kadungan sini ang natalana nga pag abot sang first batch sang bakuna gikan sa 650 thousand doses sang AstraZeneca vaccines nga gin advance purchase sang siudad.

Gani padayon man ang pagpanghanda sang siudad sa mga mega vaccination centers kag sa mga vaccination areas sa mga kabarangayan.

Exit mobile version
Skip to toolbar