Amo sini ang sitwasyon sa gate sang mga eskwelahan ilabi na kun aga. Gina isa-isa inspect ang bag sang mga estudyante gani malawig ang pilahay. Masami late na makasulod sa klase ang mga estudyante.
Bangud abe sa sunod-sunod nga mga insidente sang kalakasan nga nagakatabo sa gwa kag sulod sang mga eskwelahan, ginpabaskog sang Department of Education ang pag-inspect sang mga unod sang bags sang mga estudyante kon magsulod sa eskwelahan.
Para solusyonan ini, ginduso sang Local School Board sang Bacolod City ang pagbutang sang mga walk through nga metal detectors sa mga dalagkoan nga eskwelahan sa siudad.
Ginsiling ni Lila Arro, Education Program Supervisor sang School Divisions of Bacolod City nga ila ginpropose sa siudad nga magbakal sang 40 ka mga walk through metal detectors agud ibutang sa mga high risk nga eskwelahan.
21 diri ang sa elementary schools samtang 19 naman sa high schools.
Ginklaro ni Arro, nga prayoridad sang DepEd nga mabutangan sang walk through metal detectors ang mga eskwelahan nga may masobra sa 2,000 ka mga estudyante, ilabi na ang yara sa mga high risk areas.
Ginatutukan naman ni Bacolod City Mayor Greg Gasataya, ang posible nga mga tikang sang siudad para sa ikaayo sang mental health sang mga kabataan.
Ginpabaskog naman sang Bacolod City Police Office ang ila pagbantay sa mga eskwelahan agud matapna ang posibli nga mga insidente.
[sibwp_form id=1]