Makita sa CCTV footage ang pagpalapit sang isa ka lalaki sa isa ka Amerikano nga nagapungko sa atubang sang isa ka convenience store sa Barangay Mansilingan, Bacolod City, Domingo sang kaagahon.
Suno kay alyas “Rea”, fiancée sang Amerikano, nga yara natabuan sang nagluntad ang insidente, namangkot ang lalaki sa Amerikano kun gusto niya sang bodyguard kay pwede siya basta bayaran lang siya.
Sang nang indi ang Amerikano, nag gabot sang patalom ang lalaki kag gintuyo nga bun-on ang dumuluong.
Madasig naman nga natiklod sang Amerikano ang lalaki kag nakadalagan.
Suno kay Rea, ginla-ot pa gid sang lalaki ang iya fiancée kag naghambal ang suspek nga patyon niya ini.
Antes sang insidente, suno kay Rea, siya ang una nga ginpalapitan sang lalaki kag ginpangayuan sang pulo ka pesos, apang wala niya ini ginhatagan bangud wala sila sang cash kag plano pa kuntani nila nga mag-withdraw sa convenience store, antes magsakay sa Grab, apang naubosan man sang cash ang ATM.
Matapos ang insidente, nadayon ang duha sa Boracay kung diin ginhatagan ang Amerikano sang anti-tetanus shot. Natalana man nga mapa-check sa espesyalista ang foreign national bangud sang trauma nga iya naagyan.
Nagaplano karon ang mag nobyohanay nga magpasaka sang kaso sa suspek, nga nakilal-an na sa bulig man sang social media.
“May ara siya nga pilas. Nakita ko ang kutsilyo nga tuktukon kag nagaitom ti hambal ko nga mapa-anti-tetanus kami di sa Boracay. Nakakita kami di clinic nga sa hotel, ginpa anti-tetanus na lang siya namon. Kag ang ano pa gid kay daw na trauma siya, kung may magpalapit sa iya, nagapalayo siya dayon. Kung may naghikap sa iya, daw nagasinggit siya dayon. Ipa-istorya ko sa sa specialist… Desidido gid kami nga magpasaka sang kaso kay nahimo niya gani sa amon, what if pa sa iban”, suno kay rea.*
[sibwp_form id=1]