Revamp ukon pag balasa sa Provincial Disaster Management Program Division ang mahimo nga ipaabot.
Ini sa tinutuyo nga ma upgrade kag ma professionalize ang organization sang PDMPD. Suno kay Provincial Administrator Rayfrando Diaz, madamo sang na “damage” ukon na usik bahin sa funds sa amo nga talatapan. Ika duha luyag man sang probinsya nga mapangapinan ang reputation sini gikan sa mga suppliers. Suno kay Diaz may mga reklamo sila nga nabaton sa delayed nga bayad gikan sa mga fuel supplier. Gina lantaw nila ang irregularity sa fuel consumption.
“We’re trying to upgrade, professionalize DMPD. That’s the only thing we’re trying to do. So those who do not want to go to that direction, we have to discipline them. Damo damage dira in terms of funds, nga ga go to waste. Number 2 ang aton nga reputation sa suppliers pigaw gid”, suno kay Diaz.
Sini lamang gin papanaugan sang show cause order ang pamuno sang PDMPD nga si Zeaphard Caelian angut sa gina alegar wala ma liquidate nga 3 million pesos nga gin release sang probinsya sa isa ka civil society organization sang 2017, kasubong man ang conflict of interest.
May dose ka mga driver sa PDMPD sa idalom sang contract of service ang gin terminate ang kontrata may kaangtanan sa non compliance sa gina require nga trip ticket. Ang ika 13 nga drayber nga regular nga empleyado ang gin pasakaan sang kaso. May duha man ka iban pa nga gin-usisa sa lain nga mga reklamo ang ginpasakaan man sang kaso kag may duha ka iban pa nga gin usisa man nga nag-resign.