Sa una ukon ika duha nga semana sang Hulyo mahimo nga ma release ang assistance sa mga apektado nga hog raisers.
Sa karon gina finalize sang Office of the Provincial Agriculturist ang listahan sang mga benepisyaryo.
Suno kay Provincial Administrator Rayfrando Diaz, sini nga semana nila gina paabot mabaton ang list of beneficiaries para sa approval sang gobernador.
10 million pesos ang gin pain nga pondo kag mga 5,000 ang mga pamilya nga benepisyaryo.
Pero suno kay Diaz mga sobra sa 4,000 lamang ang magabaton sang tig 2,000 pesos.
Isa sa mga requirement sang magabaton sang assistance amo nga wala sila nagsupak sa biosafety protocol.
Ang mga naghaboy ehemplo sang mga patay nila nga baboy sa mga suba ang indi qualified nga magbaton.
May mga 3,000 ka hog raisers ang apektado sandig sa report sang Provincial Veterinary Office.