Pag-operate sang mga kiosko sa The UpperEast sa pagsaulog sang Chicken Inasal Festival ginpalawig tungod sang maulanon nga panahon.
Bisan pa may election banning nangin madinalag-on sa gihapon ang pagsaulog sang Bacolod Chicken Inasal Festival.
Ini paagi sa bulig sang mga sponsors, ilabi na mga malls nga nag suporta sa lima ka adlaw nga festival.
Ginsiling ni Councilor Celia Flor nga sa pihak sang maulanon nga panahon natigayon ang tanan nga mga festival activities ilabi na ang Arena Dance Competition sa the Upper East sa Megaworld.
Ugaling may pila ka mga vendors nga apektado sang maulanon nga weekend rason nga gintagaan sila sang kahigayunan nga mag-extend sa pagbaligya tubtob karon nga gab-i.
Target sang festival organizer upod sa Bacolod LGU nga makabaligya sang masobra 3,000 ka mga chicken inasal.
Kabahin sa gindagsa sa tuigan nga kapistahan ang simultaneous grilling sa opening ceremony sa temporary nga Manokan sa SM City Bacolod, longest grilling sa Megaworld kag ang mga cookfest kag beer pairing contest sa mga mall.