Pag-idog sang highlights sang Masskara Festival kada Oktubre ginduso sa konseho. Kada tuig halos naga-dungan ang malain nga panahon sa highlights sang MassKara Festival nga gintalana kada ikaapat nga Domingo sang bulan sang Oktubre.
Tungod sini ginatun-an ni Councilor Jason Villarosa, pamuno sang Committee on Tourism sang konseho nga ligwaton ang ordinansa agud mangin santo ang paghiwat sang highlights sang selebrasyon sa lakat sang panahon.
Posible man suno sa konsehal nga masuguran ang tuigan nga selebrasyon halin sa Oktubre 1.
Ginhimo nga permanente ang ikaapat nga Domingo sang Oktubre para sa MassKara Festival street dance and arena competition agud nga makapanghanda ang mga turista kag ang mga nagabisita sa siudad para sa tuigan nga selebrasyon.