Plano nga pag-arkila sang siudad sa duta sa likod sang BCGC nga leased property ni Councilor Vladimir Gonzalez ang wala sang dugang nga charges.
Ginasuguran na ang paghawan sang duta sa likod sang Bacolod city government Center nga plano arkilahan sang Bacolod LGU agud himuon nga Manokan Country East kag park.
Ang propiedad ang gin-arkilahan ni Councilor Vladimir Gonzalez gikan sa pamilya Gonzaga.
Ginklaro ni Mayor Albee Benitez nga kun ano man ang agreement ni Gonzales sa pamilya Gonzalez amo man ang pagasundon sang siudad nga wala sang dugang nga charges.
Dugang sang alkalde nga wala sang paga-ginansyahon ang konsehal sa ginadihon nga kontrata. Ang LGU amo ang maga-develop kag magadumala sang lugar.
Sa malapit 3,000 square meters nga duta ginaplano sang alkalde nga isaylo parking area kag mga vendors sa palibot sang BCGC sa tion nga matapos na ang construction sang Legislative Building project.