Matapos ang makapila ka beses na nga pagpahalin sa apat ka vendors nga yara sa gihapon sa South Capitol Road, ginatun-an nalang sang Sanguniang Panlungsod ang posibilidad nga ma amend ang existing vending ordinance sang Bacolod City.
Ginsiling ni Councilor Celia Flor, pamuno sang Committee on Markets nga sandig sa naga exist nga ordinansa indi pwede ang pag baligya sa South Capitol Road.
Apang bangud wala sa gihapon naghalin ang mga vendors diri kag madamo pa sang mga vendors sa iban nga mga dalan nga wala madala sa vending areas, plano niya nga amendahan ang ordinansa.
Ini agud malakip na sa vending areas ang South Capitol Road kag pila pa gid ka areas malapit sa mga merkado kag agud madugangan ang kadamuon sang vendors nga pwede mahatagan sang special permit sa mga vending areas.
Dugang ni Flor, depende ini sa gihapon kun aprubahan sang SP ang plano nga amendments.
Una na nga ginsiling ni Bacolod City Administrator Atty. Mark Steven Mayo nga isaylo kuntani ang apat ka vendors sa South Capitol padulong sa North Capitol Road agud mangin legal ang ila pagbaligya.
Liwat naman nga ginpahanumdom ni Flor nga kinahanglan sundon sa gihapon ang prescribed time kag indi pwede ang magtulog sa amo nga mga dalan.
[sibwp_form id=1]