Sa video nga ginpadala sa Digicast Negros makita nga ginpaulanan sang bala ang ini nga awto sa Barangay Palampas sa San Carlos City Domingo sang aga gani natublag ang mga residente sang ma kit-an ang salakyan nga puno sang mga igu sang bala matapos ang sunod sunod nga pag linupok nga ila sini nga nabatian.. Sakay sa salakyan ang apat ka mga persona nga lunsay may mga igu sang bala.
Ang isa gina sugilanon pa sang mga residente.
Dead on the spot ang duha ka sakay nga sanday Fussel Bucao kag Andre Fajardo. Sa ospital naman napatay ang isa pa ka sakay nga si Rudy Dela Fuente.
Padayon nga ginabulong ang isa pa nila ka upod nga si Renante Chui nga nag agum sang duha ka gunshot wounds.
Malapit 60 tanan ka mga bala ang na recover sang SOCO sa crime scene.
Suno sa imbestigador nga si PSSG Mark Anthony Pasilan, posible naulamid lang ang mga biktima kag ang tuyo gid sang mga suspetsado amo ang tag iya sang salakyan nga wala makaupod sang amo nga tion.
Isa ka drug personality ang tag iya sang salakyan suno sa pulis.
“Posible gid kay gin pang interview ko ang mga pamilya kung ano ni ang ila mga background, ang isa driver ang isa handler, ang isa bata bata lang,” suno kay Pasilan.
Dugang pa ni Pasilan, isa ka drug personality ang tag iya sang salakyan.
Nag lab-ot man kay Governor Eugenio Jose Lacson ang impormasyon nga posible isa ini ka mitsaken identity nga kaso. Nagalaum man ang gobernador nga matumod ang mga yara sa likod sini kag matagaan sang hustisya ang kamatayon sang mga biktima indi kaangay sa pag patay sadto sa provincial conslutant nga si marton cui nga tubtob karon wala pa sang update.
Nagapadayon pa tubtob karon ang imbestigasyon sang PNP.