Suno kay Mayor Richard Jaojoco, nag pakig-angut na ang punong barangay sa iya, bangud tuga sang pag cordone sang area, gin reroute ang mga alagyan sang estudyante rason nga naglayo ang ila nga ruta.
Luyag nga ipaathag sang LGU nga ang pag cordone sang area kabahin sang safety protocol.
Sang Hwebes 6 feet ang gin usmod sang duta, pag ka Biyernes nangin 9 feet na. Kahapon, Domingo, nagdangat na sa 10 feet ang gin-usmod sang duta. Kag subong nga adlaw, 3 inches ang gin-usmod suno kay Engr Hospicio Carbajosa, Jr ang Municipal Disaster Risk Reduction Management Officer.
Ang mga crack gikan sa isa lang ka tapak sadto karon mas nag daku tubtob sa 4 feet na.
Liwat nga nag follow-up ang LGU sa Mines ang Geosciences Bureau para mapat-od kun na kun ano ang gintunaan sang pag ka usmod sang duta.
Sa Miyerkules naka schedule magbisita ang MGB, PEMO kag PDRRMO sa area.
Damlag pa ginsiling ni Carbajosa, nga posible isa ini ka sinkhole labi na nga kalabanan nga duta sa area ang limestone.
Wala sang may naga puyo sakop sang na-usmod nga duta pero ini ang lalabyan nga ruta sang mga pumuluyo.
“Kagina nagbisita man di ang Kapitan to, kay medyo hassle na sa iban nga mga estudyante to sa medyo babaw nga area. Gin slightly cordone to sang DRRM namon. May ara abi mga bitak nga sang una gamay pa, subong daw dupa ang pag widen sang bitak. At least kun sila gid maka determine sa MGB kay ang amon daw haum-haum man lang nga possibly sinkhole or landslip”, suno kay Jaojoco.*
[sibwp_form id=1]